A. Powšitkowne zasady šulskeho dnja
- Wobchadna rěč je serbšćina.
- Chcemy zhromadnje wuknyć, tohodla přińdźemy dypkownje, na wučbu přihotowani a porjadnje zdrasćeni do šule.
- Wobchadźamy mjezsobu zdwórliwje a akceptujemy druheho.
- Wobchowamy dobru disciplinu, njewobškodźamy inwentar a njehanjamy po rjadownjach a chódbach.
- W šuli a na šulskej ležownosći njekurimy, njepijemy alkohol a njewužiwamy wopojenske srědki.
- Handyje so w šulskich rumnosćach a na šulskej ležownosći njewužiwaja(k tomu słuša telefonowanje, pisanje SMS, fotografowanje, natočenje wobraza a zwuka).
- Elektroniske nastroje (mp 3-player a podobne) so docyła njewužiwaja.
- W šulskim twarjenju chodźimy w domjacych črijach.
- Přeńdźenja přećiwo domowemu porjadej so po §39 šulskeho zakonja chłostaja (handyje so sćazaja).
B. Wotběh dnja
- Rano čakamy na našim šulskim dworje wyšeje šule (wo wuwzaćach rozsudźi dohladowacy wučer). Wužiwamy jenož zachodaj mjezychódby.
- Po předklinkanju dźemy do rjadownjow a přihotujemy so na hodźinu.
- Wučba započina so w 7.35 hodź. Wučer zahaji a skónči hodźinu dypkownje.
- Zamołwity šuler přizjewi falowacych šulerjow w sekretariaće do 8.00 hodź.
- Dwórske přestawki:
-
-
- snědanje – na najkrótšim puću won a nutř
- wobjed – na najkrótšim puću won a nutř
- wo přebywanju w mjezychódbje rozsudźi dohladowacy wučer
- šulerjo, kotřiž doma wobjeduja, wotzjewja so pisomnje pola rjadowniskeho wučerja
- Wučer postaji, hdy so wokna w rjadownjach wočinja.
- We wulkimaj přestawkomaj so swěca hasnje.
- Za wopyt techniskeho centruma podadźa so šulerjo jenož z dowolnosću zamołwiteho wučerja samostatnje do centruma.
- Po poslednjej hodźinje (hlej plan na durjach) so stólcy horje staja. Swěca so hasnje a wokna so začinja.
- Po šuli so při busu nastupimy, při dlěšim čakanju přebywamy na mjezychódbje.
- Wšitcy šulerjo wupušća po poslednjej hodźinje šulsku ležownosć.
- Sportowe drasty so na kónc tydźenja sobu domoj wzaja.
